ITANONG MO SA MGA BATA CONCERT NOONG SABADO, MUNTIK NANG DI NATULOY

Talento ng kabataang Obandenyo, ipinamalas! Ito ang konsyertong kinatakutan kaya't hindi pinayagan sa patio.

Noong September 10, muntik nang hindi matuloy ang konsyertong "Itanong Mo Sa Mga Bata" na naglalayong itanyag ang husay at talento ng mga kabataang Obandenyo na direktang maaapektuhan kapag itinuloy ng pamahalaang bayan ng Obando ang negosyong basurahan ng Ecoshield Development Corporation sa ilog ng Brgy. Salambao.

Ayaw kasing pahintulutan ng mga pulis Obando na matuloy ang konsyerto dahil wala raw itong karampatang permit mula sa munispyo. Paliwanag naman ng mga organizer, private lot ang pagdadausan at itoy isang church project. Ang mga pulis Obando naman, iginiit na kailangan pa rin daw ang permit at kung itutuloy pa rin ay kukumpiskahin daw nito ang sound system.

At upang hindi na lamang magkaroon ng kaguluhan, nagpasya ang mga organizer sa pahintulot nina Rev. Fr. Abel Sampana at Rev. Fr. Vince Hizon na sa loob ng simbahan na lamang gawin ang konsyerto. 

Matagumpay naman itong naidaos at dinaluhan ng mga Obandenyo. Napanood din ito ng live sa pamamagitan ng live streaming.

Panoorin ang video ng konsyerto sa link na ito.

---

Sec. Acosta at Sec. Paje:
BASURAHAN SA ILOG NG NAVOTAS, ILLEGAL. PAGTATAYO NG BASURAHAN SA ILOG NG OBANDO, IPASUSURI!

Navotas Sanitary Landfill

A portion of the 44.4 hectares Obando Sanitary Landfill

2008 nang ilahad ng Reporter's Notebook ang problema sa Irisan dumpsite sa Baguio City. Sa patuloy na operasyon nito, tila laging nakaamba ang trahedya. Hanggang maganap ang kinatatakutan nitong Agosto 27. Gumuho ang dumpsite at kumitil sa buhay ng anim na tao. 2003 nang ipagbawal ang operasyon ng open at controlled dumpsites. Sa halip, sanitary landfill ang pinayagan bilang sagot sa problema. Pero maging ang ilan sa mga ito, hindi rin daw sumusunod sa batas. Masosolusyunan pa ba ang gabundok na problema sa basura?

Sa ulat ni Jiggy Manicad, natalakay dito ang ukol sa Navotas Landfill na hindi pala dapat napayagan ang pagkakatayo noong 2003. Ayon mismo kay Sec. Nereus Acosta, Presidential Adviser for Environment Protection, hindi raw ito nakasunod sa itinatakda ng batas kung kaya't illegal ang sanitary landfill ng Phileco.  

Nabanggit din sa nasabing report ang itatayong basurahan sa ilog ng Brgy. Salambao, Obando, Bulacan na isa rin daw kinakitaan ng paglabag kung kaya't ipasusuri ang proyektong ito.

I-click ang link na ito para mapanuod ang video

---

MASS AT PRAYER RALLY LABAN SA BASURA, MULING ISINAGAWA

Fertility dance, itinanghal sa misa

Aug 29 prayer rally

Sa mismong araw ng mga bayani (Agosto 29) ay muling nagsagawa ng mass at prayer rally ang mga Obandenyo laban sa proyekto ng Ecoshield Corporation na basurahan sa kailugan ng Salambao.

Espesyal ang isinagawang misa dahil dinaluhan ito ng mga bisitang nagbigay inspirasyon sa mga mamamayan ng Obando na ipagpatuloy ang paglaban sa basurahan. Ibinahagi rin nila ang kanilang mga karanasan nang magkaroon din ng pagkilos kontra-basura sa kanilang lugar.

Nagkaroon din ng pagtatanghal sa pinagmamalaking fertility dance ng Obando. Ito naman ay sinabayan ng mga nakiisa sa misa. Sinisimbulo nito ang mayamang kultura at kasaysayan ng bayan na ngayon ay nanganganib na maibaon sa tambak ng basura.

I-click ang link na ito para mapanuod ang video ng misa at prayer rally

---

BANAL NA PAGKILOS KONTRA-LANDFILL
NOONG AGOSTO 19, TAGUMPAY!

Noong ika-19 ng Agosto, muling nagsagawa ng isang banal na pagkilos ang mga
Obandenyong tutol na gawing basurahan ng Metro Manila at karatig lalawigan ang ilog Salambao.

Ang pagkilos na ito ay sinimulan ng banal na misa bandang alas-siyete ng umaga at
nasundan ng pagprusisyon mula Pag-asa na umikot ng palengke sa Paliwas hanggang
Catanghalan.

Nang mapadaan ang mga Obandenyo sa harap ng munisipyo, hindi napigilan ng ilan na
iparinig ang kanilang pagtutol sa proyektong isinusulong ng pamahalaang lokal. Ang ilan sa mga sasakyan, nakiisa naman sa pagbusina.

Nakatutuwang malaman na halos lahat ng mga taong nakasaksi at nadaanan ng prusisyon ay nagpapahayag ng mainit na pagsuporta sa gawaing ito. Patunay lang na ang majority ng mga Obandenyo ay ayaw sa basurahang itatayo ng Ecoshield Corporation sa 44.4 hectares na ilog ng Obando.

Nagtapos ang programa sa isang panalangin na inusal ni Rev. Fr. Abel Sampana, ang bagong parish priest ng parokya. Nagpalipad din ng mga lobo na simbulo ng pagpahahatid sa Kalangitan ng kahilingang hindi na matuloy ang basurahan sa kailugan.

Asahan pa raw ang marami pang makatao, makakalikasan, makakalusugan, maka-Obando
at higit sa lahat... maka-Diyos na pagkilos kontra-landfill.

I-click ang link na ito para mapanuod ang video ng misa at prayer rally

 

---

MGA TUMUTUTOL SA LANDFILL, PATULOY NA GINAGAWAN NG BLACK PROPAGANDA AT PINAGBABANTAAN ANG BUHAY

Photo courtesy: Mark Louie Gonzales

Death threat sa text at mga tawag sa telepono, pagpapakalat ng mga kasinungalingan at mapanirang kalatas, harassment at intimidation, ilan lamang sa mga dinaranas ngayon ng mga lantarang tumututol  na maging basurahan ng Metro Manila at karatig lalawigan ang ilog ng Salambao sa Obando, Bulacan.

Simula nang malantad sa publiko ang kontrobersyal na proyektong ito, umani ito ng matinding pagtutol sa halos lahat ng Obandenyo sa buong mundo.  Salamat kina Rev. Father Edgardo de Jesus, Rev. Father Jeffrey Zuniga at iba pang mga pari at alagad ng simbahan na nagmulat sa bayan ng Obando ukol sa baho at perwisyong idudulot ng landfill na pinipilit ng pamahalaang bayan na maitayo sa ilog ng Brgy. Salambao.

Dahil dito, may mga kababayan tayong naglakas loob na lumantad para tutulan ang proyektong ito na ang naging resulta ay walang habas na paninirang-puri na dinadaan sa pagpapakalat ng mga hindi makatotohanang kalatas, at pagbabanta na sila at ang kanilang pamilya’y papatayin kung hindi titigil sa pagkontra sa landfill.

Basahin ang buong artikulo

---

Kaugnay ng mga death threat na natatanggap ng mga tumututol sa Obando landfill, ang kababayan nating si Rey Palacio ng Eco Waste Coalition ay nakatanggap din noong August 17 ng mga pagbabanta hindi lamang sa kanyang buhay, kundi pati na rin sa buhay ng kanyang asawa at sampung taong gulang na anak. Agad namang pinagbigay-alam ni G. Palacio ang bagay na ito sa kapulisan.

Para sa kumpletong detalye, basahin ang press release na natanggap ng obandenyo.com mula sa Eco Waste Coalition.

I-click ito para sa press release ng Eco Waste Coalition:
GREEN GROUPS DENOUNCE DEATH THREATS AGAINST ZERO WASTE ADVOCATES

---

BANAL NA PAGKILOS LABAN SA LANDFILL, SIMULA PA LANG NG MARAMI PANG PAGTITIPON

Photo courtesy: Mark Louie Gonzales

Isang banal na pagkilos ang isinagawa noong August 4 sa pangunguna ng simbahang Katoliko at mga mamamayan ng Obando laban sa di umanoy palihim at mabilis na pagkakaapruba ng pamahalaang bayan at panglalawigan sa negosyong basurahan na itatayo ng Ecoshield Corporation sa ilog ng Brgy. Salambao.

Ang nasabing gawain ay sinimulan sa isang misa, sinundan ng prusisyon at nagtapos sa prayer vigil.

Nakatutuwang pagmasdan ang dami ng nakiisa sa nasabing gawain sa kabila nang mabilisang paanyaya at ito'y ginanap pa sa araw na may pasok sa trabaho at eskuwela ang karamihan ng mga taga-Obando.

Himala ring maituturing ang magandang panahon na ipinagkaloob ng Maykapal sa gawaing ito sa kabila nang walang patid na pag-ulan sa mga nakaraang araw.

Marami pang pagtitipon na tulad nito ang nakatakdang isakatapuran para lubos na maipaabot sa mga kinauukulan ang tunay na damdamin ng higit na nakararaming Obandenyo tungkol sa proyektong gawing basurahan ng Metro Manila at ibang lalawigan ang ilog ng Obando.

I-click ang link na ito para mapanood ang video.  

---

MAPANIRANG KALATAS LABAN SA MGA TUMUTUTOL SA LANDFILL, PINALALAGANAP

Ipinapalaganap ngayon ng mga nagpapakilalang "Obandenyo For Progress Movement" ang mga mapanirang kalatas laban kina dating punong bayan Conrado Lumabas Jr., Gng. Tess Bondoc at Dr. Willy de Ocampo na di umanoy may pakikipagsabwatan sila sa namamahala ng Navotas Sanitary Landfill.

Mariing pinasinungalingan naman ito nina Lumabas, Bondoc at de Ocampo. Ayon sa kanila, ang mga paninira ay resulta ng kanilang pagtutol sa itatayong basurahan sa ilog ng Salambao. Ito raw ay may mga batas na nalabag at makasasama sa kabuhayan, kalusugan at kalikasan.

Sa katanuyan noong August 4, habang nagsasagawa ng banal at mapayapang pagkilos ang mga mamamayan ng Obando laban sa landfill ay nagawa itong samantalahin ng mga taong inupahan para magpakalat ng mga mapanirang kalatas. Habang pabalik ang prusisyon sa simbahan mula Brgy. San Pascual ay sinabayan ito ng pamimigay ng mga mapanirang pulyetos ng nasabing grupo.

Sa pagmamalasakit ng taong bayan, isa rito ay nadala sa presinto at na-blotter, samantalang ang mga kasama nya ay agad nakasakay sa nagmamadaling umalis na Toyota Hilux pick up.

Umamin din ang nahuling nagkakalat na siya'y nakatira sa Parañaque at pinangakuang babayaran ng tatlong daang piso para magkalat ng mga mapanirang pulyetos sa Obando.

 

Sadyang kinubli ang pagkakakilanlan sa taong nahuling nagkakalat ng mapanirang
kalatas para maproteksyunan ang kanyang karapatan. Gayundin sa plate number ng
ginamit na Toyota Hilux pick-up para maproteksyunan naman ang karapatan ng may-ari nito.

---

Samantala, ipinaabot ni dating punong bayan Conrado Lumabas Jr. ang kanyang tugon ukol sa mapanirang kalatas na ipinapakalat ng grupong nagpapakilala lamang sa tawag na "Obandenyo For Progress Movement".

I-click ang link na ito para sa nasabing official statement.

---

VIDEO NG PALAISDAAN NA TATAYUAN
NG SANITARY LANDFILL SA OBANDO, MAPAPANOOD NA

Sa video na ito, makikitang lagom na palaisdaan sa ilog ng barangay Salambao ang lugar na pagtatayuan ng sanitary landfill sa Obando. Nangangamba ang mga residente na maaaring magdulot ito ng sari-saring suliranin hindi lang sa kalikasan pero higit ay sa kalusugan. 

Aprubado ng Sangguniang Bayan ng Obando ang ordinansa na nagpapahintulot sa Ecoshield Corporation na magtayo ng sanitary landfill sa 44.4 hectares na palaisdaan sa ilog ng Salambao. Ang nasabing kapasyahan ay napirmahan na ni Gov. Willy Sy-Alvarado noong June 22, isang araw matapos di umanoy mangako ito sa ipinatawag niyang pulong sa ilang taga-Obando na muling pag-aaralan ang nasabing landfill at personal na bibisitahin ang Brgy. Salambao .

I-click ang link na ito para mapanood ang video.

---

INVESTIGATIVE DOCUMENTARIES NG GMA NEWS TV
IPINAKITA ANG PROBLEMA AT MASAMANG EPEKTO NG LANDFILL; OBANDO, INIHALIMBAWA

Noong July 14, ipinakita ng programang Investigative Documentaries (GNTV) ang mga problema at masamang epekto ng mga dumpsite sa bansa.

Kabilang sa inihalimbawa ay ang open dumpsite sa Brgy. Tarcan, Baliuag, Bulacan na ayon sa mga nagrereklamong residente, sila'y nalinlang matapos silang papirmahin ng attendance pero pagsang-ayon pala iyon sa pagtatayo ng basurahan. May isang residente na namatayan ng anak dahil sa pag-inom nito ng kontaminadong tubig.

Inirereklamo naman ng isang ginang doon ang mabahong amoy ng dumpsite at malangis na tubig mula sa poso. Nagsisisi sila sa habambuhay na epekto ng dumpsite at ngayo'y nilalabanan nila ang patuloy na pag-ooperate nito.

Pinangangambahan naman ng mga taga-Obando na maaaring danasin din ng bayan  ang polusyon at perwisyong idinulot ng basurahan sa Baliuag kung itutuloy ang proyektong sanitary landfill sa ilog ng Brgy. Salambao. Palaisdaan din kasi ang dumpsite sa Baliuag. 

Para sa iba pang detalye, panoorin ang video.

---

BAGYONG FALCON, NILUBOG SA BAHA
ANG HALOS BUONG OBANDO

Dahil sa tindi ng ulan na binuhos ng bagyong Falcon ay muli na namang nalubog sa baha ang halos buong Obando. 

Simula pa lang noong Lunes (June 19) ay lumaki na ang tubig dahil sa magkakasunod na bagyo pero nagsimula ang matinding pagtaas ng tubig nitong Huwebes ng umulan nang halos walang patid na nagtuloy-tuloy hanggang Sabado.

Basahin ang buong artikulo at panoorin ang video.

---

IMBITASYON NG SANGGUNIANG BAYAN

Noong ika-13 ng Hunyo, dumalo ang obandenyo.com at si Gng. Tess Bondoc sa pangkaraniwang pulong ng Sangguniang Bayan ng Obando sa munisipyo. Ang nasabing paanyaya ay sa kahilingan ni Kgg. na konsehal Dhey Alejo at ito base sa kanyang privilege speech sa nakaraan nilang pagpupulong.

Ayon kay konsehal Alejo, lumikha ng hindi magandang impresyon ang laging pagbanggit sa mga pangalan ng ilang miyembro ng sanggunian bayan tuwing may public forum na isinasagawa ang grupo ng mga laban sa sanitary landfill.

"Trial by publicity" di umano ito lalo pa't ang ilan sa mga nasabing forum ay nakunan at na-upload sa website na ito.

Panoorin ang nasabing proceeding na sinikap pa ring makunan ng obandenyo.com at basahin ang posisyon ng website na ito ukol sa nasabing pagpapatawag.

Panoorin ang video na kuha noong June 13 sa Sangguniang Bayan
       at basahin ang tugon ng OBANDENYO.COM ukol sa nasabing pahayag. 

---

OPEN FORUM UKOL SA OBANDO (BULACAN)SANITARY LANDFILL

Reverend fathers in prayer (Fr. Jeff, Fr. Egay and Paring Bert)

Panoorin ang naganap na pampublikong talakayan sa patio ng Parokya de San Pascual Baylon nitong June 3 para sa usaping Obando Sanitary Landfill.

CLICK HERE TO WATCH THE VIDEO

---

INFORMATION CAMPAIGN LABAN SA ITATAYONG 44 HECTARES SANITARY LANDFILL SA OBANDO, BULACAN

Patuloy ang serye ng pagpapaliwanag tungkol sa perwisyong idudulot ng Sanitary Landfill sa bayan ng Obando, Bulacan. Ang kontrobersyal na proyektong ito ay ipinasa ng Sangguniang Bayan ng Obando noong Enero 24, 2011.

Kasalukuyang nasa Sangguniang Panlalawigan na ang naturang kapasyahan para sa kanilang pag-aaral.

Ang forum na nasa video ay kuha noong May 20, 2011 sa Catanghalan gamit ay webcam lamang, subalit malinaw ninyong maririnig ang audio. Pinangunahan ni Gng. Teresa Bondoc ang pagpapaliwanag at sinundan naman ni G. Gian Mariano ng Center for Environment and Development Study.

Panoorin ang nasabing forum:

Click play button to watch video.

---

ECOWASTE COALITION ASKS DENR TO STOP
PLANNED OBANDO LANDFILL OFF MANILA BAY

A waste and pollution watchdog urged Environment Secretary Ramon Paje to stop at once the proposed construction of a landfill facility in Obando, Bulacan off Manila Bay.

The EcoWaste Coalition made the call after participating in the "No to Landfill" forum last Thursday in Obando that brought together over 200 individuals from various sectors and groups of the municipality.

“We are aghast to learn that the Obando municipal government has allowed the construction of a privately-owned landfill in the fishing village of Salambao in Manila Bay. It’s a pollution time bomb in the making to be erected right where fishing communities get their livelihood and sustenance,” said Christina Vergara, Zero Waste Project Coordinator of the EcoWaste Coalition.

Municipal Resolution Number 102 adopted on January 24, 2011 and subsequently ratified on January 31, 2011 authorizes the Eco Shield Development Corporation to establish a 44-hectare landfill in Barangay Salambao, Obando.

Read the full article

---